नेपाली खेलकुदले अहिलेसम्म पाएका सबैभन्दा खेलप्रेमी प्रधानमन्त्री किसुनजी नै हुन्

‘नेपाली खेलकुदले अहिलेसम्म पाएका सबैभन्दा खेलप्रेमी प्रधानमन्त्री किसुनजी नै हुन्,’ आठौं साफमा कराँतेतर्फ स्वर्ण जितेका दीपक श्रेष्ठको अनुभव छ, ‘आठौं साफमा जस्तो राम्रो तयारी अहिलेसम्म कहिले पनि भएन । पदक विजेता खेलाडीले त्यो बेला उचित पुरस्कार पनि पाए ।’

आठौं साफमा नेपालले कीर्तिमानी ३१ स्वर्ण जितेको थियो । प्रधानमन्त्रीका रूपमा भट्टराईले स्वर्णपदक विजेता खेलाडीलाई जागिरको व्यवस्था गरेका थिए र यसै परम्परा अहिलेसम्म सागमा स्वर्णपदक विजेता खेलाडीमा पनि लागू भइरहेको छ । ‘यो सबै उहाँको देन हो,’ श्रेष्ठले भने । 

जागिरसँगै भट्टराईले घडेरीको पनि घोषणा गरेका थिए । त्यसका लागि भने खेलाडीले लामो समय कुर्नु पर्‍यो । ‘हामीले घडेरी पाउनु अगाडि नै सरकार ढल्यो ।

पछि शेरबहादुर देउवा प्रधानमन्त्री हुँदा घडेरीका लागि दुई किस्ता गरेर तीन लाख रुपैयाँ पायौं,’ श्रेष्ठले थपे । 

‘खडेरी नपाएपछि हामीले एकपल्ट किसुनजीलाई भेट्न गएका थियौं, त्यति बेला उहाँले ठट्यौंलीमा भन्नुभएको थियो, मेरो त आपmनो घर छैन, तिमीहरूलाई के घर दिन सक्छु ?’ श्रेष्ठले सुनाए, ‘पछि उहाँको वचन पूरा भने भयो ।’ आठौं सागमा स्वर्ण विजेता तेक्वान्दो खेलाडी दीपक विष्टसँग पनि भट्टराईबारे सम्झना ताजै छ ।

‘किसुनजीले कराँते र तेक्वान्दो खेलाडी देखेपछि अभिवादनका रूपमा हुस भन्नुहुन्थ्यो,’ विष्टले भने, ‘खेलाडीलाई यस प्रकारले अभिवादन गर्ने उहाँ पहिलो र अहिलेसम्मकै एक्लो सरकारप्रमुखका रूपमा हुनुहुन्थ्यो । उहाँले खेलाडीलाई धेरै माया गर्नु हुन्थ्यो ।’