राजधानीकॊ गोंङगवु क्षेत्रमा रहेको १४ करोड भन्दा बढी मुल्य पर्ने जग्गा व्यक्तिको नाममा दर्ता गर्ने प्रयास भएको रहस्य खुला

 

राजधानीकॊ गोंङगवु क्षेत्रमा रहेको १४ करोड भन्दा बढी मुल्य पर्ने ३४ आना जग्गा भु-माफियाहरुको मिलोमतोमा व्यक्तिको नाममा दर्ता गर्ने प्रयास भएको रहस्य खुलेको छ । गोङ्गबुँ आवास क्षेत्र सुधार समितिले हिजो राजधानीमा पत्रकार सम्मेलन गरि सो कुराको खुलासा गरेको हो । उक्त जग्गाको सम्बन्धमा २०२२ नापीको फिल्डबुकमा जग्गाधनी र जोताहाको नाम थर र वतन अस्तित्व सुन्य रहेको समितिले जनाएको छ ।

 

पत्रकार सम्मेलनमा वितरित विज्ञप्तिमा भनिएको छ कामनपा २९को किन। २२५ २२६ १३२ र केहि सार्वजनिक जग्गा सहितका जग्गाहरु र विभिन्न कित्ताहरु बदर गरि अन्तिम कित्ता ११०६ कायम गरि काठमाडौं उपत्याका नगर विकास समिति गोङ्गगबु जग्गा एकिकरणको नममा लालपुर्जा कायम छ । यि कार्यहरु मालपोत र नापि कार्यालयको निर्णय समेतबाट कायम भएको हेा । तर मालपोत कार्यालयले मिति २०५८ माघ २६ मा सो जग्गा न्हुच्छेमान महर्जन राजभाइ संघरत्न जुभरत्न शाक्यको नाममा दर्ता गर्न सक्ने भनि गरेको निर्णयले ब्यापक अनियमितता भएको हुन सक्न छ । जो मानिसहरुले जग्गा दावि गरेका छन् ति ब्यक्तिहरु आवाश क्षेत्र भित्रका बासिन्दा नभएको र पहिले पनि उक्त क्षेत्रमा उनीहरुको उपस्थिति कहिल्यै नदेखिएको स्थानियहरु बताउँछन् ।

 

महासचिव पदम थापाका अनुसार ३५ दिन भित्र सो जग्गामा भएको घर टहरा नहटाए सम्पुर्ण आवास क्षेत्रका वासिन्दाले जुलुस सहित गएर घर टहरा भत्काईने छ ।  पत्रकार सम्मेलन गर्नु अघि आवास क्षेत्रका बासिन्दाको उल्लेख्य उपस्थित सहित निस्किएको जुलुसले गोङ्गगबु नगरको परिक्रमा गरेको थियो ।