बैशाख १४ गते, २०६८ मा प्रकाशित
भरतपुर – चितवन राष्ट्रिय निकुञ्जमा जंगली हात्तीको आक्रमणबाट बुधबार बिहान एक जनाको मृत्यु भएको छ ।
चितवन राष्ट्रिय निकुन्जको २ नम्बर पुलमा घाँस काट्न गएका बछौली गाउँ विकास समिति वडा नम्बर ३ बस्ने ६५ वर्षीय मणिरत्न आचार्यको हात्तीको आक्रमणबाट मृत्यु भएको प्रहरी चौंकी बछौंलीले जनाएको छ ।
बुधबार बिहान ८ बजे हात्तीले आक्रमण गर्दा मृत्यु भएको हो । शव बिहान सवा १० बजे मात्र फेला परेको थियो । चितवनको मेघौलीमा हिजो मात्र हात्तीको आक्रमणबाट ४५ वर्षीया भिममाया तामाङ्गको मृत्यु भएको थियो ।
रामपुर स्थित कृषी क्याम्पस परिसरमा घर भत्किदा एकको मृत्यु
भरतपुर- चितवनको रामपुर स्थित कृषी क्याम्पस परिसरमा घर भत्कदा एक जनाको मृत्यु भएको छ ।
बुधबार बिहान १० बजे क्याम्पस परिसरमा रहेको घर भत्कदा मृत्यु हुनेमा भारत मतिहारी घर भएका ३० वर्षीय प्रदिप शाह रहेको प्रहरीले जनाएको छ । त्रिवेणी विकास बैंकले एटिएम मेसिन राख्नका लागि निर्माण कार्य गरिरहेका बेला घर भत्किएर शाहाको मृत्यु भएको हो ।
उता चितवनको गुञ्जानगरमा बिजुलीको हाइटेन्सन लाइन अचानक खस्दा तीन जना घाइते भएका छन् । गुञ्जानगर ८ स्थित केवल चौधरीको घरमा तार खस्दा तिन जना घाईते भएका हुन् । उनिहरुको चितवन मेडिकल कलेजमा उपचार भइरहेको छ ।
चौधरीको घरमा आगलागी समेत भएको छ । आगलागीका कारण मानविय क्षती नभएपनि लत्ताकपडा र अन्नपात जलेर नष्ट भएका छन् । चौधरीको दुईवटा चौंपाया समेत जलेर मरेको जिल्ला प्रहरी कार्यालय चितवनले जनाएको छ ।
अन्य समाचारहरु
