मुलुकभित्र राम्रै आम्दानी गरेको गोर्खा पल्टन अब मुलुकबाहिरको यात्रामा

‘हङकङको प्रदर्शनबाट हौसिएका छौं,’ राजेशले भने, ‘अनुमान गरेभन्दा पनि बढी दर्शक पायौं ।’ फिल्म लाहुरे समुदायको कथामा केन्दि्रत भएकाले विदेशी दर्शकले निकै मन पराएको पनि राजेशले दाबी गरे । इजरायलको राजधानी तेलअभिभमा फिल्मको प्रदर्शनीपछि टोली बेल्जियम र पोर्चुगल जानेछ । यसपछि कुवेत, मलेसिया, कतार, अस्ट्रेलिया लगायतमा फिल्म प्रदर्शनीको योजना रहेको निर्देशक रायमाझीले बताए ।

मुलुकभित्र कतिपय हलमा ५१ दिन मनाउन सफल ‘गोर्खा पल्टन’ राम्रै व्यापार गरेको फिल्ममध्येमा पर्छ । पूर्व इन्डियन आइडल प्रशान्त तामाङले यही फिल्मबाट डेब्यु गरेका हुन् । फिल्ममा उनीसँगै रञ्जिता गुरुङ लगायतको अभिनय छ ।

गाउँमा तामाङ फिल्म

तामाङ फिल्म निर्माता इमानसिंह योञ्जन भखरै सिन्धुपाल्चोकको हि्रस्याङ्गो गाउँबाट फर्केका छन्, तामाङ संस्कृतिका लागि ऐतिहासिक मानिने थलोमा तीनदिने घुम्ती फिल्म महोत्सव सकाएर । पाटी जात्राको अवसरमा भेला भएका तामाङ समुदायमाझ हि्रस्याङ्गो युवा समाजले महोत्सव आयोजना गरेको थियो, सिन्धुपाल्चोक, काभ्रे, दोलखा र रामेछापदेखि भेला भएका तामाङ समुदायले साँझ खुल्ला आकाशमुनि फिल्मको स्वाद चाख्न पाए ।

महोत्सवका लागि सुजन लामाको निर्देशित ‘गोदेवा’ -गोठालो), रामजनकको निर्देशित ‘मोलम’ -आशीर्वाद) र जयनन्द लामाको ‘सेमरी छोरङान’ -मनमा चेतना) छानिएका थिए । ‘जात्राको बेला पारेकाले दर्शकको अभाव भएन,’ कुनै पनि संघसंस्थाको सहयोगबिना नै गरिएको महोत्सवबारे योञ्जनले भने, ‘शिक्षा, चेतना र संस्कृतिपरक फिल्म छानिएका थिए, राति अबेरसम्म बसेर दर्शकले हेरे ।’ तीन हजारभन्दा बढीको सहभागी रहेको उनले दाबी गरे ।

तेजबहादुर लामा, पार्वती मोक्तान लगायतको अभिनय रहेको ‘गोदेवा’ मा रसुवाको तामाङ संस्कृति र अशिक्षाको सन्दर्भ उठाइएको छ भने सुनिल लामा, रजनी लामा, शान्ति लामालगायतको अभिनय रहेको ‘मोलम’ मा गाउँबाट सहर पसेको तामाङ युवकको संघर्ष समेटिएको छ । जयनन्द लामा, रोज मोक्तान, ङमिा पाखि्रनलगायत अभिनित पहिलो तामाङ फिल्म ‘सेमरी छोरङान’ मा भने चेलीबेटी बेचविखन, गरिबी र शिक्षाको सन्दर्भ उठाइएको छ । राष्ट्रिय जनगणनाप्रति चेतना जगाउन महोत्सव गरिएको योञ्जनले बताए ।