आषाढ़ १३ गते, २०६८ मा प्रकाशित
काठमाडौं (एजेन्सी)- सलमान खानद्वारा अभिनित चलचित्र दबंगले यस वर्षको आइफा अवार्डमा आफ्नो वर्चस्व जमाएको छ। यस फिल्मले उत्कृष्ट चलचित्रसहित अन्य ६ विधामा अवार्ड हात पार्न सफल भएको छ। यस्तै ‘माइ नेम इज खान’का लागि शाहरुख खान उत्कृष्ट अभिनेता तथा त्यही फिल्मका लागि करण जोहरले उत्कृष्ट निर्देशकको उपाधि हात पारे।
त्यस्तै उत्कृष्ट अभिनेत्रीको अवार्ड बैन्ड बाजा बारातका लागि अनुष्का शर्माले हात पारिन्। नवनायकको अवार्ड बैंन्ड बाजा बारातका लागि रणविर सिहंले हात पारे।
उत्कृष्ट गीतमा माइ नेम इज खानबाट साजदा र नुरे खुदाका लागि निराजन ल्यगंरले हात पारे। त्यस्तै उत्कृष्ट पटकथाका लागि माइ नेम इज खानकै लागि शिवानी भट्टिजाले हात पारिन्।
उतकृष्ट संवादतर्फ फिल्म इश्कियाबाट विशाल भारद्वाजले उपाधि हात पारे।
पहिलोचोटि स्टार प्लसको प्रस्तुती रहेको १२औं आइफा अवार्डमा १५ लाख जनताको आग्रहमा नायिका अनुष्का शर्मा र नायक रणविर सिंहले कार्यक्रमको होस्ट गरेका थिए।
शनिबार राति क्यानाडाको टोरोन्टोमा आयोजित १२औं आइफा अवार्डमा भारतीय सिनेमाका अधिकांश कलाकारहरु सहभागी भएका थिए।
समारोहका केही तस्बिरहरु :
सबै फोटो : एपीएफ
अन्य समाचारहरु
