आषाढ़ २९ गते, २०६८ मा प्रकाशित
काठमाडौ – प्रधानमन्त्री झलनाथ खनालले आदिकवि भानुभक्तले नेपाली
भाषालाई काव्य स्तरमा पुरयाई भाषालाई समुन्नत पार्ने काम प्रशंसनीय रहेको बताएका
छन् ।
१ सय अठानब्बेऔँ भानुजयन्तीका अवसरमा भानु प्रतिष्ठान काठमाडौँद्वारा बुधबार
नेपाल प्रज्ञा प्रतिष्ठानमा आयोजित कार्याक्रमा सभालाई सम्बोधन गर्दै उनले भानुभक्त
रचित रामायणको लाखौँ प्रति प्रकाशन भएबाट उनका कृति को लोकप्रिय पुष्टि भएको बताए
।
नेपाली समाजमा नेपाल र नेपालीबीच भावनात्मक एकता निर्माणका लागि आदिकवि
भानुभक्तले पुर्याएको योगदान उच्च रहेको चर्चा गर्दै प्रधानमन्त्री खनालले नेपाली
भाषाको माध्यमबाट समाजमा चेतना फैलाउने काम भानुभक्तले गरेको स्मरण गरे ।
प्रधानमन्त्री खनालले भानुभक्तको जन्मजलो तनहुँको चुँदी रम्घामा राष्ट्रियस्तरको
सङ्ग्रहालय स्थापना र २०७० सालमा मनाइने भानुको द्विसतवार्षिकी विशेष समारोहका लागि
आवश्यक आर्थिक सहयोग पुर्याउन सरकार तत्पर रहेको बताए ।
यस्तै प्रधानमन्त्री खनालले भानुजयन्तीका अवसरमा रथारोहण गराइएका
साहित्यकारद्वय कवि एवम् समालोचक आनन्ददेव भट्ट र कवयित्री तोया गुरुङलाई दोसल्ला
ओढाई सम्मान गरे । रासस
अन्य समाचारहरु
