राष्ट्रपति यादवद्वारा सर्वसाधारणलाई टीका

काठमाडौं – राष्ट्रपति रामवरण यादवले बडादसैंको दिन बिहीबार राष्ट्रपति कार्यालय, शीतलनिवासमा सर्वसाधारणलाई टीका तथा जमरा लगाइदिएका छन्। मध्यान्ह १२ : ३० बजेपछि सुरु भएको सो टीका लगाउने कार्यक्रममा राष्ट्रपति यादवले शीतलनिवासको कोशी हलमा उपराष्ट्रपति परमानन्द झालाईसमेत टीका र जमरा लगाइदिए।

 

 
त्यसैगरी उनले प्रधानसेनापति छत्रमानसिंह गुरुङ, प्रहरी महानिरीक्षक रवीन्द्रप्रताप शाह तथा सेना एवं प्रहरीका अन्य पदाधिकारी, नेपाल सरकारका सचिवहरु, राष्ट्रसेवक कर्मचारीलगायतलाई टीका तथा जमरा लगाइदिए।


राष्ट्रपति यादवले साँझ ५ बजेसम्म सर्वसाधारणलाई टीका लगाइदिनुहुने कार्यक्रम छ। रासस