आगामी जुलाईमा बेलायतमा हुन लागेको ओलम्पिक खेललाई ध्यानमा राखी सुरक्षा व्यवस्थामा विशेष सावधानी अपनाइने भएको छ ।
बेलायतको रक्षा मन्त्रालयका अनुसार जमीनबाट मार हान्न सक्ने मिसाइल सर्वसाधारणको घरको छतमा राखिने छ । मिसाइलसँगै हतियारधारी सैनिक पनि तैनाथ गरिने छ ।
यसका साथै पूर्वी बेलायतका हरेक ब्यक्तिको घरघरमा हतियारधारी सैनिक तैनाथ गर्ने निर्णय पनि बेलायत सरकारले गरेको छ । यी बाहेक हरेक घरको पानीको ट्याङकमा डिफेन्स सिस्टम पनि लगाइने निर्णयसहितको पर्चा वितरण गरिएको छ ।
ओलम्पिककै सुरक्षाका लागि भन्दै छुट्टै सुरक्षा दस्ताको तयारी पूरा भएको बेलायत सरकारले जनाएको छ । बेलायतमा आगामी जुलाईदेखि ओलम्पिक खेल हुँदैछ ।
बैशाख १७ गते, २०६९ मा प्रकाशित
