प्राविधिक शिक्षाको प्रवेश परीक्षाको नतिजा बेलैमा सार्वजनिक नहुदा ३५ हजार विद्यार्थी अन्योलमा

शिक्षा मन्त्रालयले शैक्षिक जनशक्तिका प्रमुख सूर्यप्रसाद गौतमको संयोजकत्वमा छानविन समिति गठन गरेको छ । समितिले प्रतिवेदन नबुझाएसम्म साउन ५ र ६ मा भएको प्रवेश परिक्षा रद्ध हुने/नहुने अन्यौलमा छ ।  सीटीईभीटीको शैक्षिक क्यालेन्डरमा भदौ १ देखि नयाू शैक्षिक सत्रको पठन पाठन सुरु गर्ने थियो । तर, प्रवेश परिक्षाको नतिजा प्रकाशन समेत गर्न सकेको छैन ।

कार्यक्रमका वक्ताहरुले बारम्बार प्रवेश परिक्षा लिएर विद्यार्थी र अविभावकलाई तनाब दिनुको सट्टा जुन परिक्ष केन्द्रमा बदमासी देखिएको छ, त्यसको मात्रै परिक्षा रद्ध गर्नु पर्नेमा जोड दिए ।

कलेज सञ्चालकहरुले भने भर्ना लिने समयमा बर्षेनी अप्ठ्यारो समस्या खेप्नु परेको बताए । ‘२ सय संस्थाका सञ्चालकहरुले हरेक बर्ष विद्यार्थी भर्नाको लिने समयमा यो वा त्यो बाहनामा समस्या भोग्नु परेको छ,’ पौडेलले भने,’सीटीइभीटीको यो रबैया यस बर्ष मात्रै नभई बर्षौदेखिको निरन्तरता मात्र हो । प्रवेश परिक्षाको नाममा कर्मचारीलाई भत्तामात्रै खुवाउने होइन विद्यार्थी विद्यार्थीले सहज रुपमा प्राविधिक शिक्षा पढन पाउनुपर्छ भन्ने नै हो ।’ फोरमले एसएलसीमा प्राप्त नम्बरको आधारमा विद्यार्थी भर्ना गरेर प्रवेश परिक्षाको व्यवस्था हटाउनु पर्ने माग राखेका छन् ।

सीटीईभीटीका सदस्य सचिव डा. जयबहादुर टण्डनले अहिले देखिएको समस्या समाधान गर्न लागि परेको बताए । ‘कसरी हुन्छ ? समाधान गर्न लागेका छौ । विद्यार्थी संगठनहरु संग पनि बार्ता गरिरहेका छौ, ‘उनले भने, ‘छानविन समितिको रिपोर्ट आउने बित्तिकै समस्या टुङगिन्छ ।’