रुसी राष्ट्रपति भ्लादिमिर पुटिनबिरुद्ध मस्कोस्थित एक गिर्जाघरमा प्रदर्शन गरेको अपराधमा रुसको एक पप संगीत ब्यान्डका तीन सदस्यलाई दुई बर्षको जेल सजायँ तोकिएको छ ।
पुसी रायट ब्यान्डका तीन महिला सदस्यलाई रुसी अदालतले धर्मको नाममा घृणा फैलाएर गुण्डागर्दी गरेको भन्दै यस्तो सजायँ तोकेको हो ।
ब्यान्डका सदस्यले बताए अनुसार ७ महिनाअघि गरेको प्रदर्शनको उद्देश्य भने रुसी पुरातनवादी चर्चबाट पुटिनले पाएको समर्थनतर्फ सबैको ध्यानाकर्षण गराउनु रहेको थियो ।
अदालतको फैसलाप्रति अमेरिका, बेलायत तथा युरोपियन युनियनले भने आपत्ति जनाएका छन् ।
भाद्र २ गते, २०६९ मा प्रकाशित
