गुल्मी बस दुर्घटनामा ३ जना अर्घाखाँचीबासीको मृत्यु

तम्घास, गुल्मी । गुल्मीको तम्घासबाट काठमाडौंका लागि छुटेको लु. १ ख. ५५८३ नम्बरको डाँक बस लुम्घामा दुर्घटना हुँदा अर्घाखाँचीका ३ जना सहित १४ जनाको मृत्यु भएको छ ।

स्थानिय अधिकारीहरुले जानकारी गराए अनुसार उक्त दुर्घटनामा मर्नेहरु ३ जनामा अर्घाखाँचीको मरेङ्ग गाविस वडा नं. ५ का गण बहादुर क्षेत्री, अर्खाखाँचीकी तर पुरा ठेगाना नखुलेका कमला भुसाल र चन्दा भुसालको ज्यान गएको छ।

थाहा भए अनुसार २० जना भन्दा बढी घाइते छन् । सडकबाट झण्डै २ सय मिटर तल खसेको बसको प्रहरी निरीक्षक जितेन्द्र बस्नेतले जानकारी दिए ।

स्थानीय बासिन्दाका अनुसार बस सडकबाट धेरै तल खसेको र अधिकांश यात्रु र बस अप्ठ्यारो भिरमा क्षत विक्षत अवस्थामा छन् । वस हर्दिनेटा गाविसको लुम्छा भन्ने स्थानमा दुर्घटना भएको हो ।

सडकमा विपरीत दिशाबाट आइरहेको मोटरसाइकललाई साइड दिने क्रममा बस दुर्घटना भएको प्रत्यक्षदर्शीले जानकारी दिएका छन्।