कार्तिक ५ गते, २०६९ मा प्रकाशित
काठमाडौं । वीरगञ्जमा पनि बाजागाजासहित उपमहानगरपालिकास्थित मालपोत कार्यालयमा फूलपाती भित्र्याइएको छ । पर्वतको शिवालय गाबिसको रोहोटे कोट मन्दिरबाट ल्याइएको फूलपाती बाजागाजासहित सदरमुकाम कुस्माबजारको बड्गाउँ चौरमा रहेको चण्डिका भगवती मन्दिरमा भित्र्याइएको छ ।
सुनसरीको इटहरीमा गरिने सामुहिक दुर्गा पूजास्थलमा धुमधामका साथ फूलपाती भित्रयाइएको छ । पूर्वाञ्चलकै केन्द्रविन्दु मानिने इटहरीमा १६ वर्षदेखि सामूहिक दुर्गा पूजा गरिदै आएको छ ।
बर्दियाको सदरमुकाम गुलरिया नगरपालिकामा रहेको वगलामुखी भगवती देवीको मन्दिर र कोटही देवीको मन्दिरमा पनि फूलपाती भित्र्याइएको छ । सो अवसरमा फूलपाती र मौला पूजा गरी नेपाली सेना, नेपाल प्रहरी र सशस्त्र प्रहरीले संयुक्त रुपमा वगलामुखी भगवती, कोटही भगवती देवीलगायत जिल्लाका देवीलाई सलामी अर्पण गर्दै मन्दिरमा बोकाको बली चढाइयो ।
नेपालगन्जको बोगेश्वरी मन्दिरमा पनि फूलपाती भित्राएर हर्षबढांई गरियो । पोखराको विध्याबासिनी मन्दिरमा पनि धार्मिक बिधि अनुसार फूलपाति भित्र्याईयो ।
अन्य समाचारहरु
