आज हिन्दूहरुको महान् चाड बडा दशैंको नवौ दिन महानवमी,मुलुकभर दुर्गाभवानीको पूजा आराधना गरी मनाइँदै

आज हिन्दूहरुको महान् चाड बडा दशैंको नवौ दिन महानवमी,मुलुकभर दुर्गाभवानीको पूजा आराधना गरी मनाइँदै छ।

 

नवरात्रको नवौं तथा अन्तिम दिन आज नवदुर्गा भवानीको नवौं शक्ति मानिने महासिद्धिदात्री भगवतीको पूजा आराधना गरिँदैछ ।

 

विशुद्ध सुन समान चम्किलो र देदिप्यमान वर्णकी यिनी अत्यन्त सौन्दर्ययुक्त हुनुका साथै सधैं सौम्य र शान्त मुद्रामा रहन्छिन् । चार हातमा शंख, चक्र, गदा र कमलको पूmल धारण गर्ने देवी रातो वस्त्र पहिरी दिव्य आभूषणमा सजिएर कमलको पूmलमा बसेर सिंहमाथि सवार रहन्छिन् । देवी सिद्धिदात्रीले नवदुर्गा भवानीको प्रमुख शक्तिका रुपमा त्रिपुरसुन्दरी देवीको रुप धारण गर्छिन् ।

 

आजै दशैंघरमा वर्षभरि प्रयोग हुने हातहतियार, औजार र मेसिन राखेर पूजा गर्ने चलन छ ।

 

यसवर्षको बडादशैंको टीकाको शुभसाइत भोलि बिहान ११ बजेर २९ मिनेटमा उत्तम रहेको नेपाल पञ्चांग निर्णायक समितिले जनाएको छ । तर टीका लगाउन भने दिनभर नै साइत कुर्नु नपर्ने जनाइएको छ । देवी विसर्जनका लागि भोलि विहान १० बजेर ३५ मिनेट उत्तम मानिएको छ ।