रङैरङको पर्व होली तराई क्षेत्रमा मनाईदै

काठमाडौं  । रङैरङको पर्व होली तराई क्षेत्रमा आज मनाईदैछ । काठमाडौं उपत्यकासहित देशका पहाडी क्षेत्रमा भने हिजो धुमधामसाथ होली मनाइयो ।

 

प्रत्येक वर्षको फागुन शुक्ल पूर्णिमाको दिन फागू पूर्णिमा अर्थात होली पर्व मनाउने परम्परा छ । एक साताअघि काठमाडौंको बसन्तपुरमा चीर गाडेपछि विधिवत् रुपमा शुरु हुने फागु पूर्णिमा नेपालका पहाडी क्षेत्रमा अघिल्लो दिन तथा तराईमा भने भोलिपल्ट मनाउने गरिन्छ । राजधानी, काठमाडौं हिजो विहानैदेखि सर्वत्र रङ्गिन बनेको थियो भने पहाडी क्षेत्रका प्रमुख शहर तथा ब्यापारिक केन्द्र तथा गाउँघरसम्म धुमधामसाथ होली मनाईयो । विशेष गरी तराईमा आज होली मनाइने भएपनि हिजो पनि कतिपय क्षेत्रमा होली मनाइयो । एकापसमा रङ लगाएर सद्भाव साट्ने यो पर्वलाई बसन्त उत्सवको रुपमा पनि मनाइन्छ ।