बैशाख ३ गते, २०७० मा प्रकाशित
धनुषा । मिथिलाञ्चलको धनुषा, जलेश्वरलगायतका क्षेत्रमा चैते दशैं र चैते छठको रमझम शुरु भएको छ । जनकपुरको प्रसिद्ध सरोवर गंगासागर, अरगजापोखरी र धनुषसागर सहितका जलासयहरुमा चैती छठ मनाउन श्रद्धालु भक्तजनहरुको विहानैदेखि भिड लागेको छ । आज चैते छठसंगै दशैं पुजाका लागि बेलनौतीको कार्यक्रम गरिएको छ ।
बेलनौती गरेर ल्याइएको बेलबाट भोलि दुर्गाभवानीको नेत्रज्योती भरेपछि दशैं मेला शुरु हुनेछ । प्रतिमा बनाइएका स्थलहरुमा सप्तमीदेखि दशमीसम्म मेला लाग्नेछ । चैते दशैंका बेला राजदेवी, संसारीमाई, सोनामाई, सती सहितका शक्तिपिठहरुमा दर्शनार्थीको घुइंचो लाग्ने गर्दछ । यसै अवसरमा त्रिशुली देवीको मन्दिर सर्वसाधारणको लागि खुल्ला गरिएको छ ।
अन्य समाचारहरु
