काठमाडौं । खाडीमुलुक साउदी अरबकी युवती राहा मुहारकले विश्वको सर्वोच्च शिखर सगरमाथाको सफल आरोहण गरी सगरमाथा आरोहण गर्ने पहिलो साउदी महिला बन्न सफल भएकी छिन् । २५ वर्षीया राहा अरब मुलुकबाट सगरमाथा आरोहण गर्ने सबैभन्दा कम उमेरकी महिला पनि बनेकी छन् ।
चार सदस्यीय आरोहण दलको साथमा सगरमाथा चढेकी राहाको समूहले नेपालमा शैक्षिक योजनाका लागि १० लाख डलर उठाउने उद्देश्य राखेको छ ।
महिलाहरु आधारभुत अधिकारबाट निकै पछाडि पारिएका साउदी अरबकी राहाको सगरमाथा आरोहणलाई अन्त्यन्त चुनौतिका रुपमा हेरिएको थियो । राहा हाल दुबईमा बस्दै आएकी छन् ।
Agencies
जेष्ठ ५ गते, २०७० मा प्रकाशित
