सफलताको कथा: ड्राईभर पेशा छाडेर सन्धिखर्कमा कपाल काट्न थालेका एक यूवा पेशा प्रति सन्तुष्ट

– अर्जुन भुसाल 

 

सन्धिखर्क, अर्घाखाँची । अर्घाखाँची जिल्लाको धारापानी गाविस वाड नम्वर – ६  बाजखर्कका बावुराम भुसाल सदरमुकाम सन्धिखर्कमा कपाल काट्ने काममा व्यस्त छन् । दुई वर्ष अघि  देखी ड्राईभर पेशा छाडेर  यस पेशामा लागेका उनी यस  पेशाप्रति  निकै सन्तुष्ट छन् । 

कपाल काट्ने पेशामा देशका  अधिकांश ठाउमा  मदेशी समुदायका ठाकुर जातका व्यक्तिहरु  हुने  गर्छन् । जिल्लामा पनि यस पेशामा भुसाल वाहेक अरु सवै मदेशी समुदायका व्यक्ति नै  छन्  । तर उनले भने कपाल काट्ने पेशालाई नै उत्तम ठाने । सुरुसुरुमा धेरैले खिसी गरे पनि अहिले आफ्नै कामबाट सवै अचम्म परेको उनको भनाई छ ।  डाईभर भएर घुमेर खानी वानी लागेको छ, तैले यो काम गर्न सक्दैनस भनेर सुरुसुरुमा धेरै साथीहरुले गिज्याए ,उनले भने ।

 दुई वर्ष अघि सदरमुकाममै रहेको एउटा हेअर कटिङ्गमा रहेर करिव तिन महिना सम्म तालिम लिएर काम शुरु गरेको उनले बताए । उनले आफु मात्र नभएर अरु साथीहरुलाई पनि यो पेशा प्रति आर्कषित गरेको बताए कोहि साथी म सँग तालिम गर्न आए सिकाउँछु, उनले भने कमाई राम्रै भएकाले यस पेशा प्रति आर्कषण वढाउनु पर्छ। उनले कुनै पेशालाई जात विशेषले गर्ने पेशाको रुपमा हेर्न नहुने बताए । उनले कुनै पेशालाई  विभेदको दृष्टिले पनि  हेर्न नहुने उनको भनाइ छ  । सक्षम भएमा जुनसुकै पेशा गर्न पनि हुने बताए ।  पहिले गिज्याउदै गर्दै हिडनेहरु पनि अहिले काम राम्रै भएको देख्दा सवै छक्क पर्ने गरेको उनले सुनाए  । उनको हेअर ड्रेसरमा अहिले विहान देखि वेलुका सम्म नै विभिन्न सेवा लिनेको भिड लाग्ने गर्छ । उनले  कपाल काटने देखी लिएर हेअर ड्रसरमा हुने सम्पूर्ण सेवाहरु सञ्चालन गरेका छन् ।