जमैकाका धावक युजेन बोल्टले विश्व एथ्लेटिक्स च्याम्पियनसीपको इतिहासमा सबैभन्दा सफल धावक बनेका छन् ।
रुसको मस्कोमा जारी आईएएएफ विश्व एथ्लेटिक्स च्याम्पियनसीपको पुरुष चार गुणा सय मिटर रिलेतर्फ स्वर्ण पदक जित्दै बोल्टले च्याम्पियनसीपमा कुल स्वर्ण पदकको संख्यालाई आठ पु-याएका छन् ।
साथै बोल्टले दुई वटा रजत पदक पनि जितेका छन् । उनीभन्दा अगाडि एथ्लेटिक्सका महान हस्तीहरु कार्ल लेविस र अलाइसन फेलिक्सले आठ वटा स्वर्ण पदक जित्ने कीर्तिमान बनाएका थिए ।
रजत पदकको पनि गणना गर्ने हो भने विश्व एथ्लेटिक्स च्याम्पियनसीपमा बोल्ट अहिलेसम्मकै सबैभन्दा सफल धावक हुन् ।
बोल्टले विश्व च्याम्पियनसीपतर्फ सय मिटरमा दुई वटा स्वर्ण पदक जितेका छन् भने दुई सय मिटर र चार गुणा सय मिटर रिलेमा तीन तीन वटा स्वर्ण पदक जितेका छन् ।
Agencies
भाद्र ३ गते, २०७० मा प्रकाशित
