विश्वकप फुटबलको पहिलो खेलमा आयोजक राष्ट्र ब्राजिल विजयी
जेष्ठ ३० गते, २०७१ मा प्रकाशित
विश्वकप फुटबलको पहिलो खेलमा आयोजक राष्ट्र ब्राजिलले विजयी सुरुआत गरेको छ। स्थानीय साओ पाउलो रंगशालामा एक भब्य समारोहबीच भएको उद्घाटन खेलमा ब्राजिलले क्रोएसियामाथि ३-१ गोल अन्तरको जित दर्ता गर्दै समूहमा विजयी सुरुआत गरेको हो।
मध्यान्तरसम्म दुबैको एक एक गोल गरेको खेलमा ७१औ मिनेटमा फेरि नेयमारले ननै गोल गर्दै टोलीलाई २-१ गोल अन्तरमा अगाडि बढाए। पेनाल्टीमार्फत नेयमारले दोस्रो गोल गरेका हुन्। यस्तै खेलको अन्त्यमा ओस्कारले गोल थप्दै ब्राजिलको जित सुनिश्चित गरे।
यसअघि खेलको ११औ मिनेटमा ब्राजिलका मार्सेलोको आत्मघाती गोल उपहार पाएको क्रोएसियाले अग्रता लिएको थियो। पुरै खेल नियन्त्रणमा लिएको ब्राजिललाई बराबरी गोल फर्काउन धेरै समय कुर्नु परेन।
खेलको २९औ मिनेटमा नेयमारले गोल गर्दै ब्राजिललाई बराबरीमा ल्याएका हुन्।
ब्राजिलका लागि ५०औ क्याप खेलिरहेका नेयमारको यो ३३ औ अन्तर्राष्ट्रिय गोल हो। २२ वर्षीया उनी बार्सिलोनाबाट व्यवसायिक फुटबल खेल्छन्।
खेलमा ब्राजिली खेलाडीहरु आक्रामक खेलिरहेकाले क्रोएसिया रक्षात्मक खेल खेलिरहेको छ।
जेष्ठ ३० गते, २०७१ मा प्रकाशित
विश्वकप फूटबल २०१४ (ब्राजिल) को खेल तालिका
