सोनी पिक्चर्स कम्पनीले उत्तर कोरियाको विषयलाई समेटेर बनाएको विवादास्पद हास्य फिल्म इन्टरभ्यू रिलिज गर्न विभिन्न विकल्प खोजिरहेको जनाएको छ ।
फिल्म हलहरुले पनि यो फिल्म देखाउन अस्वीकार गरेको बताइएको छ । कम्पनीले उत्तर कोरियाले साइबर आक्रमण गरेका कारण फिल्म क्रिसमसमा रिलिज गर्ने तिथी सारेको जनाएको छ ।
तर उत्तर कोरियाले भने आरोप अस्वीकार गर्दै अमेरिकासँग यस विषयमा संयुक्त जाँचको प्रस्ताव गरेको छ । यो फिल्ममा उत्तर कोरियाली शासक किम जोङ उनको हत्याको षड्यन्त्रमा आधारित विषयबस्तु रहेको बताइएको छ ।
जसलाई लिएर निकै विवाद उत्पन्न भएको छ । उत्तर कोरियाले आफ्ना नेताको मानमर्दन गरेको भन्दै आक्रोस पोखेको छ । अमेरिकी राष्ट्रपति बाराक ओबामाले फिल्म रिलिज रोकेर सोनी पिक्चर्सले गल्ती गरेको भन्दै कुनै पनि तानाशाह कतै बसेर अमेरिकामा सेसरशिप लगाउन नसक्ने बताएका छन् ।
AGENCIES
पौष ७ गते, २०७१ मा प्रकाशित
