संविधान बनेको भोलि पल्टै अमेरिका छाडेर सदाका लागि स्वदेश फर्किने घोषणा गरेपनि सरोज खनालले सो अडान त्यागी तत्काल स्वदेशमै रहने निर्णय गरेका छन् ।
पछिल्लो पटक गत चैत्र महिनामा नेपाल आएका खनाल आफ्नो कागजी प्रक्रिया मिलाउँन गत जेठ १० गते अमेरिका फर्किएका थिए । उनी आउँदो जेठ २७ गते अमेरिकालाई पूर्ण रुपमा छाडेर स्वदेश फर्किने तयारीमा छन् अहिले । खनालले भर्जिनियामा रहेको घर र गाडी समेत बेचेर नेपाल फर्किने तयारीमा गरेका छन् ।
उनले नेपाल बसाईका लागि काठमाण्डौको बालुवाटारमा एक नयाँ घर समेत बनाएका छन् । तर उनको एक छोरा अमेरिका आर्मीमा रहेका कारण उनी चाँहि सात बर्षपछि मात्र नेपाल फर्किने सरोजको भनाई छ । १६ बर्ष सम्म अमेरिकामा रहेर साधारण जिवन निर्वाह गरेका सुपरस्टार खनालले नेपाल फर्किए लगत्तै फिल्म क्षेत्रमा आफ्नो सक्रियता पुनः बढाउँने बताईएको छ ।
उनले आफ्नै लगानीमा एक फिल्म पनि निर्माण गर्ने तयारी गरेका छन् जसलाई बल्कबष्टर डाईरेक्टर बिकास आचार्यले निर्देशन गर्ने बताईएको छ । सरोज सहित लामो समयको अमेरिका बसाई पछि गौरी मल्ल, रमेश उप्रेती, करिश्मा मानन्धर पनि अमेरिका छाडी स्वदेश फर्किने उनका समकालिन कलाकारमा पर्दछन् । न्यूज फिल्मीमा समाचार छ ।
जेष्ठ २२ गते, २०७२ मा प्रकाशित
