२३ वर्षपछि नेपाललाई अन्तर्राष्ट्रिय फुटबलको उपाधि, प्रत्येक खेलाडीले ७-७ लाख पुरस्कार पाउने

नेपालले बङ्गबन्धु गोल्डकप फुटबलको उपाधि जितेको छ। बंगलादेशको बगबन्धु रंगशालामा भएको फाइनलमा बहराइनको यू-२३ माथि ३-० को जित हात परेको हो। सेतोपाटीमा समाचार छ ।

 

नेपालका लागि विमल घर्तिमगरले चौथो मिनेटमा गोल गरे। खेलको ८७ औं मिनेटमा विशाल राईले दोस्रो गोल थपे । अञ्जन केसीको उत्कृष्ट पासमा विशालले गोल गरेका हुन्। खेलको इन्ज्युरी समयमा विमलको क्रसमा नवयुग श्रेष्ठले हेडबाट गोल गरे र नेपालको जित निश्चित पारे।  नेपालले आफ्नो फुटबल इतिहासमा उपाधि जितेको यो तेस्रो पल्ट हो ।

 

यो २३ वर्षयता नेपालले जितेको पहिलो उपाधि हो। नेपाल सन् १९९९ को दक्षिण एसियाली खेलकुदको फुटबल फाइनलपछि कुनै पनि औपचारिक प्रतियोगिताको उपाधि भिडन्तमा प्रवेश गरेको यो पहिलो पल्ट हो।