ढिकुरा, अर्घाखाँची (अर्घाखाँची डट्कम ) । अर्घाखाँची जिल्लाको सदरमुकाम सन्धिखर्क देखि ढिकुरा गाबिसको डेभा सम्म बस सेवा सूचारु भएको छ । पहिलो पटक बस पुग्दा स्थानियबासीहरुमा खुशी छाएको छ ।
स्थानियबासी र पश्चिम नेपाल बस व्यवसायी संघको सक्रियतामा पहिलो पटक सन्धिखर्क देखि ढिकुराको डेभा सम्म मिनि बस सन्चालनमा आएको हो ।
बस दैनिक रुपमा बेलुका ४ बजे सन्धिखर्कबाट ढिकुरा गैराकोट हुँदै डेभा सम्म सन्चालनमा आउने भएको छ। साथै नियमित बिहान डेभाबाट सन्धिखर्कको लागि छुट्ने छ । केही वर्ष अघि देखि नै सन्धिखर्क-धनचौर, पाकु सम्म नियमित जीप सन्चालन हुँदै आएका छन् । साथै यसअघि सानो बाटोका कारण साना बाहेक ठुला सवारीसाधन चल्न सकेका थिएनन ।
साथै केही समयपछि बस सेवालाई धनचौर, पाकु सम्म विस्तार गरिने छ । उता अर्घाखाँचीका कयौ गाबिस-गाउँमा यस अघि नै जीपका साथै बस सेवा सन्चालन आईसकेका छन् र यातायातका सेवा विस्तार गर्ने क्रम जारी छ ।
यो पनि हेर्नुस् :
फाल्गुन २० गते, २०७२ मा प्रकाशित
