सातौं राष्ट्रिय खेलकुद प्रतियोगिता अन्तर्गत धुलावारीमा जारी जुडो विधामा नेपाल आर्मीले अग्रता लिएको छ।
दोस्रो दिनको आईतबारको खेलमा नेपाल आर्मीले ५ स्वर्ण प्राप्त गर्यो। महिला अन्डर ४४ केजी तौल समूहतर्फ मध्यपश्चिमकी सोनु भट्टले स्वर्ण, पश्चिमाञ्चलकी सोमिया तामाङले रजत तथा सुदूरपश्चिमकी विमला महत र नेपाल आर्मीकी सुमित्रा राईले कास्य पदक जितेका छन्।
अन्डर ५२ केजी तौल समूहतर्फ नेपाल आर्मीकी लीला अधिकारीले स्वर्ण, नेपाल प्रहरीकी दीलकुमारी छत्यालले रजत तथा सशस्त्र प्रहरीकी देविका खड्का र कविता नेपालीले कास्य पदक प्राप्त गरेका छन्।
अन्डर ६३ केजी तौल समूहतर्फ फूपु लामा खत्रीले स्वर्ण, नेपाल प्रहरीकी नीशा चौधरीले रजत तथा मध्य पश्चिमकी दिलमाया एरी र पूर्वाञ्चलकी दिलकुमारी सिजालीले कास्य पदक जितेका छन्।
अन्डर ७८ केजी तौल समूहमा नेपाल आर्मीकी पुनम चौधरीले स्वर्ण, पूर्वाञ्चलकी बविता चौधरीले रजत तथा नेपाल प्रहरीकी भावना घर्ती मगर र कृष्णा राइदासले कास्य पदक जितेका छन्।
यसैगरी अन्डर ५० केजी तौलको पुरुषतर्फ नेपाल आर्मीका तिलकबहादुर देउजाले स्वर्ण, पश्चिमाञ्चलका मनोज आचार्यले रजत तथा सशस्त्र पहरीका सन्तोष विष्ट र मध्य पश्चिमाञ्चलका चक्रबहादुर रोक्काले कास्य पदक प्राप्त गरेका छन् ।
अन्डर ६० केजी तौल समूहतर्फ नेपाल आर्मीका सुदिप बोहराले स्वर्ण, नेपाल प्रहरीका उमेश मगरले रजत तथा पूर्वाञ्चलका विकाश भुजेल र दिनेश मगरले कास्य पदक जिते।
अन्डर ७३ केजी तौल समूहतर्फ नेपाल प्रहरीका सञ्जीत ढङ्गोलले स्वर्ण पदक प्राप्त गरे। मध्यमाञ्चलका रामबहादुर तामाङले रजत तथा नेपाल प्रहरीका निर्दोश चलाउने र नेपाल आर्मीका जगतबहादुर सारुले कास्य जिते ।
अन्डर ९० केजी तौल समूहतर्फ नेपाल प्रहरीका श्रीराम मकाजुले स्वर्ण, पश्चिमाञ्चलका सञ्जय महर्जनले रजत तथा नेपाल आर्मीका सूर्यमान लामा र सुदूर पश्चिमका चन्द्रप्रसाद चौधरीले कास्य जिते।
यसैगरी १०० केजी तौलभन्दा माथि नेपाल प्रहरीका राजन जोशीले स्वर्ण पदक जिते। नेपाल आर्मीका कुलमान तामाङले रजत र पूर्वाञ्चलका बच्चुलाल चौधरी तथा सुदुरपश्चिमका आशिष ओझाले कास्य पदक प्राप्त गरेका छन् ।
विजेता खेलाडीहरूलाई युवा तथा खेलकुद मन्त्री दलजित श्रीपाली, नेपाल जुडो सङ्घका केन्द्रीय अध्यक्ष दीपक बर्जाचार्य लगायतकाले मेडल तथा कस्कटो वितरण गरेका थिए। सेतोपाटीमा समाचार छ् ।
पौष १० गते, २०७३ मा प्रकाशित
