अर्घाखाँचीडट्कममा ब्रह्मलुट मच्चाए शिर्षकमा साभार गरि प्रकासित समाचार तथ्यहिन र भ्रामक: शितगंगा नगरपालिका

सन्धिखर्क, अर्घाखाँची  (अर्घाखाँचीडट्कम) । गत फाल्गुन १४ गते सोमवार अर्घाखाँचीडट्कममा मुकेश पोखरेल हिमाल खबरले लेखेको  शितगंगा नगरपालिका प्रमुख, उप-प्रमुखले गाडी भाडाका नाममा ब्रह्मलुट मच्चाए शिर्षकमा साभार गरि प्रकासित समाचार तथ्यहिन, भ्रामक र अनर्गल रहेको शितगंगा नगरपालिकाले बताएको छ । 

शितगंगा नगरपालिकाका प्रमुख सुर्य प्रसाद अधिकारी र उपप्रमुख टीका रेश्मीको निर्णयानुसार शुक्रबार एक विज्ञप्ति जारी गर्दै डट्कममा प्रकासित समाचारमा कुनै सत्यता नभएको भन्दै उक्त समाचारको खण्डन गर्दै आफ्नो गम्भिर ध्यानआकर्षण भएको बताएको छ ।

यस्तै खण्डनमा नगरपालिकाले समाचारमा भने जस्तो नभएर आफ्नो सवारी साधन नभएकोले वार्ड अध्यक्षहरुलाई मोटरसाइकल र प्रमुख र नगरप्रमुखलाई नगरपालिकाको कार्य संम्पादनको क्रममा मात्र प्रयोग गर्ने गरी आवश्यकता अनुसार गाडी पटके भाडामा लिणे नगर सभाको निर्यण बमोजिम अत्यावश्यक अवस्थामा मात्र भाडाको गाडी प्रयोग गरिएको उल्लेख गरेको छ । यस्तै नगरपालिकाले संचारमाध्यमहरुलाई सत्य-तथ्य समाचार प्रकासित गरेर सहयोग गर्न अनुरोध समेत गरेको छ ।    

तर प्रमुख सुर्य प्रसाद अधिकारी र उपप्रमुख टीका रेश्मीले  समाचारको  खण्डन गरेता पनि २८ पुस महिनामा गरेको निर्यणमा त्यस्तो देखिदैन । 

साथै मुकेश पोखरेलले लेखेका समाचारका विरुद्द शितगंगा नगरपालिकाका प्रमुख सुर्य प्रसाद अधिकारी र उपप्रमुख टीका रेश्मी लगायत वार्ड प्रतिनिधिहरुले पत्रकार महासंघ, अदालतमा मुद्दा हाल्ने धम्की दिएता पनि आफ्नो २८ पुस महिनामा गरेको निर्यणको पुष्टी एवम समाचारमा प्रकासित वास्तविकताको बारेमा एक-एक गरी यतार्थ भन्न सकेका छैनन् । 

उता २८ पुस महिनामा गरेको निर्यणमा अनुसार प्रकासित समाचार यतार्थ देखियता पनि नगरपालिकाले यस्तो खण्डन गरेको छ:- 

 

यसभन्दा अगाडि उपप्रमुख टीका रेश्मीले नगरभित्रका करिव हजार शिक्षा स्वास्थ्य कृषि,पशु खाने पानीका योजना कार्यक्रमको अनुगमन गर्नुपर्ने र एक दिनमा ४,५ वटा योजना अनुगमन गर्दा पैदल गर्दा असंभव भएको कमेन्ट गरेका थिए ।  

उता नगरपालिकाको २८ पुस महिनामा गरेको निर्यणमा अनुसार प्रकासित समाचार यतार्थ देखियता पनि यस्तै सोमबार प्रकासित उक्त समाचार डट्कमका प्रमुखले लेखेको  भनेर प्रमुख सुर्य प्रसाद अधिकारी र उपप्रमुख टीका रेश्मीले भनेता पनि डट्कमका कुनै पनि प्रतिनिधिले नलेखेर हिमाल खबर मुकेश पोखरेलबाट साभार  गरिएको थियो । प्रमुख सुर्य प्रसाद अधिकारी र उपप्रमुख टीका रेश्मीलेले समाचार लेख्ने स्रोत राम्रोसँग नहेरेको देखिन्छ ।  

साथै उक्त समाचारमा मुकेश पोखरेल हिमाल खबर भनेर जस्ताको त्यस्तै प्रकासित गरेको छ । तर नगरपालिकाले हिमाल खबरको नाममा मात्र खण्डन गर्नुपर्नेमा अर्घाखाँचीडट्कमलाई गरेको छ । 

साथै उक्त नगरपालिकाको बारेमा यस अगाडि समाचार लेखिरहेका मुकेश पोखरेलले डट्कमलाई प्राप्त समाचारको यतार्थ स्रोत पुष्टी नगरेकोले र संपर्कमा नआएकोले फाल्गुन १४, २०७४ गते सोमवार साभार गरिएको प्रकासित समाचार हटाइएको छ । 

अर्घाखाँचीडट्कमले १३ वर्षको पुरानो ईतिहासमा अन्य राष्ट्रिय संचारसंस्था जस्तै निष्पक्ष समाचार प्रकासित गर्दै आएको छ । स्मरण रहोस् अर्घाखाँचीडट्कम नेपालको पहिलो अन्लाईन संचारमाध्यम हो । प्रकासित समाचार आफ्ना प्रतिनिधिले नलेखेको हुँदा सम्बन्धित व्यक्तिबाट कुनै जवाफ नआउँदा हालका लागि प्रकासित सामाग्री हटाइएको हो ।  

साथै पछि समाचार पुष्टी, प्रमाणित भएमा सत्य तथ्यका आधारमा डट्कमले पुन: समाचार  प्रकासित गर्नेछ । प्रमुख सुर्य प्रसाद अधिकारी र उपप्रमुख टीका रेश्मीको वास्तविकता बाहिर आउनेछ ।