प्रेम खड्का
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नं १० धरमपानी घर भएका सन्तोष शर्मा कलाकारिता क्षेत्रमा चर्चामा आएका छन् ।
धरमपानी वुवा खगेश्वर र आमा ताराको जेठो छोरा सन्तोष म्युजिक भिडियोमा अभिनय, छायांकन देखि निर्देशकमा जम्दै गरेका हुन् ।
५ वर्ष यता गित संगितको यात्रामा हिडेका सन्तोष पछिल्लो समय आफ्नो कम्पनी सौगात फिल्मसबाट छायांकन र निर्देशनमा जम्दै छन् ।
संगित क्षेत्रमा पाल्पाबाट लागेका सन्तोष अहिले सम्म २ दर्जन म्युजिक भिडियो र केही टेलीफ्लिममा समेत अभिनय गरेका छन् । शुरुका दिनमा तीज गीतमा अभिनय गरेका सन्तोषले पछील्लो समयमा आँफै छायांकन देखि निर्देशन गर्दै आएका छन् ।
कक्षा १ देखि ५ सम्म गाउकै विघालय श्री आदर्श निमावि र कक्षा ६ देखि १२ सम्म श्री भगवती उमावि संखेटारीमा पढेका सन्तोष शर्माका भाइ अशोक र जीवन संगिनी सपना र छोरा सौगात छन् ।
उता सन्तोष अर्घाखाँचीमा हुने प्राय सांगीतिक कार्यक्रममा सहभागीता हुँदै आएका छन् ।
बैशाख ३१ गते, २०७५ मा प्रकाशित
