आश्विन २४ गते, २०७५ मा प्रकाशित
अर्घाखाँची डट्कम संवाददाता
कपिलवस्तु ,(अर्घाखाँची डट्कम) भारतबाट रोजगारी गरि चाडवाड मनाउन घर फर्किने नेपालीहरुले कपिलवस्तुको कृष्णनगर नाकामा अनावश्यक चेकजाचले गर्दा सास्ती खेप्नुपरेको गुनासो गरेका छन् ।
नेपाल र भारततर्फ भइरहेको अनावश्यक चेकिङका कारण आफूहरु समस्यामा परेको उनीहरुको गुनासो छ । रोजगारीका लागि भारतका विभिन्न भागमा पुगेकाहरु अहिले दसैं मान्न घर फर्किंदै छन् ।
तर, सीमानामा सुरक्षाकर्मीले अनावश्यक दुःख दिएको गुनासो उनीहरुले गरेका छन् कृष्णनगरबाट मात्र अहिले दैनिक ८ सयभन्दा बढी नेपाली चाडबाड मनाउन घर फर्किने गरेका छन् ।
नेपालीहरुले ल्याएका लत्ता कपडा चेकजाँचको नाममा प्रहरीले खोलेर बिगारी दिने र फालिदिने गरेको उनीहरुको गुनासो छ । नेपाल प्रहरीले भने आफूहरुले यो नाका भएर फर्कनेलाई चेकजाँचका नाममा दुःख नदिएको दाबी गरेको छ ।
प्रहरीले नागरिक सहायता केन्द्र राखेर उनीहरुलाई सहयोग गरेको जनाएको छ । भारतले पनि सिमा क्षेत्रमा नागरिक सहायता केन्द्र राखेको छ ।
