अर्घाखाँचीको मौलिक तीज गीत “आमाले किन्दिएको पछ्यौरी ” (भिडियो सहित)

सन्धिखर्क, अर्घाखाँची  । अर्घाखाँचीको मौलिक तीज गीत “आमाले किन्दिएको पछ्यौरी “को म्युजिक भिडियो सार्वजनिक भएको छ ।

महिलाहरु को महान पर्व हरितालीका तीजको अवसर पारेर तीज गीत बजारमा आउने क्रम जारी छ । महिला समाज सेवी निरु आचार्यले नयाँ तीजको गीत बजारमा ल्याइकी छिन ।

तीज गीत “आमाले किन्दिएको पछ्यौरी” मा अभिनब चौहानको को शव्द तथा कृष्ण लामिछाने को संगित रहेको मौलिक तीज गीतको म्युजिक भिडियो सम्झना डजिटल मार्फत म्युजिक भिडियो सार्वजनिक गरिएको हो । उक्त गीतमा गायक अभिनब चौहान  र गायिका निरु आचार्यको  आवाज रहेको छ ।

सुमन सागर जङ्ग के सि को निर्देशनमा तयार भएको “आमाले किन्दिएको पछ्यौरी” गीतको भिडियोलाई गोकुल अधिकारीले  छायांकन गरेका थिए । 

त्यस्तै, चर्चित कलाकार सलिना नेपाली , अभिनब चौहान , प्रिजम खनाल ,तेजेन्द्र समशेर पाणडे  को दमदार अभिनय रहेको छ । सम्झना डिजीटल  मिडियाको आधिकारिक युट्यूब च्यानलमार्फत उक्त गीतको भिडियो सार्वजनिक गरिएको छ ।

 पछिल्लो समय परम्परा अनुसार मौलिक गीत ओझेलमा पर्दै गएपछि विगतका झल्को मेटाउनको लागि यस गीत बजारमा ल्याएको निर्माता सुभाष ज्ञवालीले बताएका हुन । गायिका आचार्य  यस अघि पनि थुप्रै साहित्य तथा सामाजिक कार्य गर्दै आएकी छन  ।