– रासस
कास्की I नवौं राष्ट्रिय खेलकुद अन्तर्गत एथलेटिक्सको पुरुष १० हजार मिटरमा आर्मीका दीपक अधिकारीले राष्ट्रिय कीर्तिमानसहित स्वर्ण पदक जित्नु भएको छ ।
पोखरा रङ्गशालामा आइतबार भएको दौडमा दीपकले ३० मिनेट १० दशमलव ३० सेकेन्डमा निर्धारित दुरी पार गर्दै स्वर्ण हात पार्नु भएको हो ।
दीपकले एपीएफ क्लबका गोपीचन्द्र पार्कीको कीर्तिमानलाई तोड्दै नयाँ कीर्तिमान कायम गर्नु भएको छ । यस अघि गोपीको नाममा ३० मिनेट ३० दशमलब ९९ सेकेन्डको कीर्तिमान थियो ।
सोही स्पर्धामा गोपी चन्द पार्कीले रजत पदकमा चित्त बुझाए। उहाँले निर्धारित दुरी ३० मिनेट ३८ दशमलव ३० सेकेन्डमा पूरा गर्नु भयो ।
तेस्रो आर्मीकै गजेन्द्र राई हुनु भयो । उहाँले निर्धारित दुरी ३० मिनेट ४९ दशमलव ५० सेकेन्डमा पूरा गर्नु भएको थियो ।
आश्विन ३० गते, २०७९ मा प्रकाशित
