पौष १३ गते, २०७९ मा प्रकाशित
– मेगराज खड्का
रुकुम पश्चिम । रुकुम पश्चिमको आठबीसकोट नगरपालिकाका किसानले उत्पादन गरेको चार सय क्विन्टल किवी कर्णाली वेभरेज प्रालिले खरिद गरेको छ ।
आठबीसकोट नगरपालिका वडा नम्बर १२ झिनचौरमा रहेको कर्णाली वेभरेजले आठबीसकोट नगरपालिकासाथै छिमेकी जिल्लाहरूका कृषकहरूले उत्पादन गरेको किवी खरिद गरिएको अध्यक्ष दल बहादुर शाहले जानकारी दिनुभयो ।
उहाँका अनुसार खरिद गरिएको किवीबाट कम्पनीले जुस उत्पादन गर्ने छ । अहिलेसम्म किसानले आफूखुसी किवी बिक्री गरिरहेकामा पहिलो पटक छिमेकी जिल्लाहरू तथा पालिकाको किवी एकमुस्ट बिक्री भएको हो । नगरमै किवी खपत हुने र ढुवानीमा अनुदान पाइने भएपछि कृषकहरू खुसी भएका छन् ।
कर्णाली वेभरेजले नगरपालिकाभित्र उत्पादन भएका सुन्तला पनि खरिद गरिने जनाएको छ ।
अन्य समाचारहरु
