कालिकोटमा जीप दुर्घटना हुँदा तीन जनाको मृत्यु

कालीकोटमा शनिबार राती जीप दुर्घटना हुँदा तीन जनाको मृत्यु भएको छ ।​ शुभकालीका गाउँपालिका–६ को गविरामा दुर्घटना हुँदा तीन जनाको ज्यान गएको हो ।

बेउली पान्तडी सडक खण्डको चौकी बजारबाट शुभकालीका जाँदै गरेको लु१च८४९८ नम्बरको जीप दुर्घटनामा परेको कालीकोट जिल्ला प्रहरी जनाएको छ ।

जीपमा तीन जना सवार रहेकोमा तीनै जनाको मृत्यु भएको जनाइएको छ । मृत्यु हुनेहरुमा जीपका चालक शुभकालीका वडा नम्बर २ का ३० वर्षीय हर्क विश्वकर्मा, वडा नम्बर ८ का ३१ वर्षीय रामबहादुर शाही र दैलेख नौमुले वडा नम्बर ३ का २५ वर्षीय गोपाल सलामी मगर रहेको प्रहरीले जनाएको छ ।