सुनको मूल्यले दिनहुँ नयाँ उचाइ लिदै : आज अहिलेसम्मकै उच्च मूल्यमा कारोबार

काठमाडौँ- सुनको मूल्यले दिनहुँ नयाँ रेकर्ड कायम गर्न थालेको छ। नेपाली बजारमा सुनको मूल्यले आज नयाँ कीर्तिमान कायम गरेको हो।

नेपाल सुनचाँदी व्यवसायी महासंघका अनुसार स्थानीय बजारमा आज सुनको मूल्य प्रतितोला रु एक हजारले वृद्धि भएको छ। यो  हालसम्मकै उच्च मूल्य हो।

नेपाल सुनचाँदी व्यवसायी महासङ्घका अनुसार बुधबार प्रतितोला रु एक लाख ३३ हजारमा कारोबार भएको छापावाला सुनकाे मूल्य आज रु एक हजारले बढेर एक लाख ३४ हजार कायम भएकाे छ।बुधबार तेजाबी सुन प्रतितोला रु एक लाख ३२ हजार तीन सय ५० मा कारोबार भएकोमा आज एक लाख ३३ तीन सय ५० रुपैयाँ निर्धारण भएको छ।

आज चाँदीको मूल्य पनि तोलामा रु ४० ले वृद्धि भएको महासंघले जनाएको छ। बुधबार प्रतितोला रु एक हजार छ सय १० मा कारोबार भएको चाँदी आज रु एक हजार छ सय ५० रुपैयाँमा कारोबार भइरहेको छ।

अन्तर्राष्ट्रिय बजारमै सुनको मूल्यले उचाइ लिइरहेकाले त्यसको असर नेपालमा पनि परेको महासंघले जनाएको छ।