चैत्र २७ गते, २०८० मा प्रकाशित
काठमाडौँ- नेपाली कांग्रेस सहकारी प्रकरणको मुद्धा उठाउने विषयमा पछि नहट्ने भएको छ । मंगलबार बसेको संसदीय दलको बैठकमा सभापति शेरबहादुर देउवाले सहकारी मुद्दाबाट पछि नहट्ने स्पष्ट गरेका हुन् ।
सभपति देउवाले धेरै जनता सहकारीबाट ठगिएको बताउँदै यस मुद्धालाई यतिकै छाड्न नहुने बताएका हुन् । उनको भनाईलाई उदृत गर्दै एक नेताले भने- ‘लाखौँ जनता ठगिएका छन् । यो मुद्दालाई यतिकै छाड्नु हुँदैन । कानुन पनि छ र उपलब्ध प्रमाणहरू गृहमन्त्री रवि लामिछानेमाथि छानबिन गर्न पर्याप्त छन् ।’
आजै बसेको कांग्रेस संसदीय दलको बैठकले सहकारी प्रकरणको मुद्धालाई झन् सशक्त रुपमा उठाउने निर्णय गरेको छ ।इकागजले उल्लेख गरेको छ ।
अन्य समाचारहरु
