चैत्र २० गते, २०८१ मा प्रकाशित
काठमाडौं, २१ चैत । अमेरिकी राष्ट्रपति डोनाल्ड ट्रम्पले बुधबार एक समारोहमार्फत ‘पारस्परिक कर’को घोषणा गरेका छन् ।
यस घोषणाले संयुक्त राज्य अमेरिकालाई सफल बनाउन सहयोगी हुने ट्रम्पकाे तर्क रहेको छ। तर, ट्रम्पको ट्यारिफ, जुन उनले कार्यकारी आदेश मार्फत लगाएका छन, त्यसले विश्वभर आर्थिक झटका भने लगाएको छ। विश्वभरीवाट प्रतिक्रिया अाउने क्रम सुरू भएकाे छ।
किनभने, ह्वाइट हाउसले लगभग १०० देशहरूको सूची जारी गरेको छ, जस माथी अमेरिकाले लगाउने ‘ट्यारिफ दर’हरू उल्लेख गरिएको छ ।
१० प्रतिशत आधारभूत ट्यारिफ
ट्रम्पले राष्ट्रपतिले सबै देशहरूमा आधारभूत शुल्कहरू लगाएका छन् । त्यो दर १० प्रतिशकाे हुनेछ, जुन ५ अप्रिलबाट लागु हुने जनाइएकाे छ। उनले १० प्रतिशत कर लगाएका केही देशकाे सुची यस्ताे छ ।
१. युनाइटेड किंगडम
२. सिङ्गापुर
३. ब्राजिल
४. अस्ट्रेलिया
५. न्युजिल्याण्ड
६. टर्की
७. कोलम्बिया
८. अर्जेन्टिना
९. एल साल्भाडोर
१०. संयुक्त अरब इमिरेट्स
११. साउदी अरेबिया
उच्च दरकाे कर लागेका देशहरू
ह्वाइट हाउसका अधिकारीहरूले यो पनि भने कि उनीहरूले ३ अप्रिलबाट लागू हुने लगभग ६० वटामा विशिष्ट पारस्परिक ट्यारिफहरू लगाइएको छ । उनका अनुसार यी देशहरूले अमेरिकी सामानहरूमा उच्च शुल्क लगाउँदै आएका छन्, जसकाे बदलामा अमेरिकाले पनि उच्च दरकाे कर लगाउने निर्णय गरेकाे हाे ।
१. यूरोपीय संघः २० %
२. चीन: ५४ %
३. भियतनाम: ४६ %
४. थाइल्याण्ड: ३६ %
५. जापान: २४ %
६. कम्बोडिया: ४९ %
७. दक्षिण अफ्रिकाः ३० %
८. ताइवान: ३२ %
९. भारत: २६ %
क्यानाडा र मेक्सिकोमा कुनै अतिरिक्त शुल्कहरू छैनन् किनभने क्यानाडा र मेक्सिको यी नयाँ ट्यारिफ घोषणाहरूमा उल्लेख गरिएको छैन।
ह्वाइट हाउसले भन्यो कि उनीहरूले अघिल्लो कार्यकारी आदेशहरूमा सेट गरिएको रूपरेखा प्रयोग गरेर दुबै देशहरूसँग सम्झौता गर्नेछन्, जसले क्यानाडा र मेक्सिकोमा फेन्टानिल र सीमा समस्याहरू सम्बोधन गर्ने प्रशासनको प्रयासको रूपमा ट्यारिफहरू लगाएको थियो।
अन्य समाचारहरु
