भाद्र ६ गते, २०८२ मा प्रकाशित
मस्को, ६ भदौं । रुसका राष्ट्रपति भ्लादिमिर पुटिनले अमेरकी राष्ट्रपति डोनाल्ड ट्रम्पले ३ करोड ५२ लाख रुपैयाँ नगद दिएको खुलेको छ ।
अमेरिकी विदेश सचिव मार्को रुबियोका अनुसार अमेरिका भ्रमणबाट फर्कने क्रममा अलास्कामा आफ्नो विमानमा इन्धन भर्नका लागि पुटिनले ट्रम्पलाई सो रकम दिएका हुन् ।
पुटिन १५ अगस्टमा अलास्का पुगेका थिए । यहाँ उनले अमेरिकी राष्ट्रपति डोनाल्ड ट्रम्पलाई भेटेका थिए । रातो कार्पेट उनको स्वागत गरिएको थियो तर अमेरिकी प्रतिबन्धका कारण उनको टोलीले नगद तिर्नुपर्ने अवस्था भयो।
रुबियोले भने कि जब रूसी विमानहरू अलास्कामा अवतरण गरे, उनीहरूलाई इन्धन चाहिएको थियो । तर, अमेरिकी बैंकिङ प्रणाली प्रयोग गर्न अनुमति छैन, त्यसैले नगद लिइएको हो ।
रुबियोले रुसमाथि लगाइएका सबै प्रतिबन्धहरू अझै पनि लागू रहेको र रुसले हरेक दिन त्यसको प्रभावसँग संघर्ष गरिरहेको स्पष्ट पारेका छन्। तर, युक्रेन युद्ध रोक्न यसले कुनै प्रभाव पारेको छैन। पुटिनको टोली अलास्कामा करिब ५ घण्टा बसेको थियो । ट्रम्प र पुटिनबीच करिब ३ घण्टा भेटवार्ता भएको थियो । यसमा युक्रेनमा युद्ध अन्त्य गर्ने विषयमा ठोस सहमति हुन सकेको छैन, यद्दपी प्रयास जारी रहेको छ ।
अमेरिकी प्रतिपक्षी दल डेमोक्रेटिक पार्टीले यसप्रति कडा आपत्ति जनाएको छ । यदि पुटिन र ट्रम्पबीचको भेट निजी थियो भने यति ठूलो मात्रामा पैसाको लेनदेनले प्रश्न खडा गरेको उनीहरूको भनाइ छ ।
वासिङ्टनका राजनीतिक विश्लेषकहरू यस्तो ‘भुक्तानी बैठक’ले अमेरिकाको अन्तर्राष्ट्रिय विश्वसनीयतामा असर पार्न सक्ने विश्वास गर्छन्। रुसका विपक्षी नेताहरूले पनि पुटिनले यो रकम सरकारी कोषबाट दिए कि कुनै निजी कोषबाट दिए भन्ने प्रश्न उठाएका छन् ।
यसअघि पनि ट्रम्प र पुटिनबीचको सम्बन्ध अमेरिकी राजनीतिमा विवादको कारण बनेको थियो । सन् २०१६ को चुनाव देखि रुस माथि लगाइएको प्रतिबन्धसम्म हरेक पटक ट्रम्पमाथि ‘पुटिनसँग गोप्य व्यवहार’ गरेको आरोप लागेको छ । यो नयाँ केसले ती डरहरूलाई अझ बलियो बनाएको देखिन्छ।
अन्य समाचारहरु
