कार्तिक १४ गते, २०८२ मा प्रकाशित
काठमाडौँ । आज जारी आइसीसी महिला क्रिकेट विश्वकपको दोस्रो सेमिफाइनलको खेल हुदैछ ।
दोस्रो सेमिफाइनलमा आज भारत र अस्ट्रेलियाबीच भिडन्त हुदैछ । मुम्बईस्थित डिवाई पाटिल स्टेडियममा हुने यो खेल नेपाली समय अनुसार दिउसो सवा ३ बजेदेखी शुरु हुदैछ ।
अस्ट्रेलिया लिग चरणमा शिर्ष स्थानमा रहदै सेमिफाइनल खेल्दैछ भने भारत चौथो स्थानमा रहेर सेमिफाइनल खेल खेल्दैछ ।
अस्ट्रेलिया महिला क्रिकेटमा विश्वकै सबैभन्दा बलियो टिम मानिन्छ । अस्ट्रेलियाले १९७८, १९८२, १९८८, १९९७, २००५, २०१३ र २०२२ मा गरी सात पटक विश्वकपको उपाधि जितेको छ ।
त्यस्तै भारतले भने अहिलेसम्म विश्वकपको उपाधि जित्न सकेको छैन । भारत यसअघि २००५ र २०१७ मा फाइनलमा पुगेर पराजित भएको थियो ।
यस विश्वकपको लिग चरणको खेलमा अस्ट्रेलियाले भारतलाई ३ विकेटले पराजित गरेको थियो ।
अन्य समाचारहरु
