फाल्गुन १८ गते, २०८२ मा प्रकाशित
जिल्लालाइ समुन्नतिको मार्गमा डोर्याउने प्रतिज्ञा सहित उम्मेद्बार खनालद्वारा जिल्ला दौडाहा सम्पन्न
अर्घाखाँची डटकम संवाददाता।
अर्घाखाँची – नेपाली काङ्ग्रेसको तर्फ बाट अर्घाखाँचीको लागि प्रतिनिधि सभा सदस्य पदका उमेदवार बिष्णु प्रसाद खनाल मुस्कानले जिल्लाका ६१ वार्डका सक्रिय काङ्ग्रेस कार्यकर्ता र आम मतदाता संग भेटघाट गरि मत अपिल गरेका छन । उनले जिल्ला बाहिर बस्ने विभिन्न सम्पर्क समिती र मतदाता संग पनि जिल्ला बाहिरका स्थानमा उपस्थित भएर भेटघाट गरेका हुन ।
जेन जि आन्दोलन र सार्वजनिक संरचना ध्वस्त पारिएको बिशेष परिस्थितिमा संसद विघटन भएको हुदा प्रतिनिधि सभाको ०८४ मा हुन पर्ने निर्वाचन ०८२ फागुन २१ मा हुदैछ । यो निर्वाचनले देशभर १६५ प्रत्यक्ष तर्फ र समानुपातिक तर्फ ११० गरि २७५ सांसद निर्वाचित गर्ने छ ।
अर्घाखाँचीको मालारानी -४ स्थायी घर भएका खनाल नेपाली काङ्ग्रेस लुम्बिनी प्रदेशका सहमहामन्त्री समेत हुन । खनालले सुधारिएको काङ्ग्रेसलेनै देशलाइ सहि मार्गमा डोर्याउन सक्ने पनि मतदाताहरु संग बताएका छन । बिशेष महाधिवेशन पछि गगन थापाको नेतृत्वको काङ्ग्रेसनै आजको भरोसा भएको पनि उनको दावी छ ।
मुस्कानले आफू अर्घाखाँचीबाट निर्वाचित भएर गएपछि निति निर्माणमा आफ्नो उल्लेखनीय उपस्थिति राख्दै जिल्लाको समग्र बिकासको लागि प्रतिनिधि सभामा आवाज उठाउने र समग्र जिल्लालाई उन्नतिको बाटोमा डोर्याउने प्रतिज्ञा समेत गरेका छन ।
जिल्लामा अधुरा रहेका अर्घा भगवती बिमानस्थल , सालझन्डी, सन्धिखर्क ढोरपाटन सडक जस्ता आयोजना पूरा गर्ने , गोरुसिङे सन्धिखर्क सडकको स्तरोन्नति गर्ने , पर्यटन क्षेत्रको विशेष योजना ल्याइ पर्यटन बिकास गर्ने , शितगंगा लाई विशेष क्षेत्र घोषणा गराउने जस्ता योजना लिएर आफू संसद छिर्न लागेको उमेदवार खनालको भनाइ छ ।
घरदैलो र भेटघाटका क्रममा उल्लेखनीय उपस्थिति र उत्साहजनक सहभागिताले जनताको साथ , विश्वास र अपार भरोसा रहेको मुस्कानको दावी छ ।
उनले यो भरोसा टुट्न नदिने प्रतिबद्धता पनि भेटघाटका क्रममा बताउदै आएका छन । उनले यो साथ र भरोसाले सिंगो काङ्ग्रेसलाई थप उर्जा दिएको र समग्र जिल्लाको बिजय सुनिश्चित रहेको दावी पनि गरेका छन ।
#बिष्णु_प्रसाद_खनाल #मुस्कान #नेपालीकाङ्ग्रेस #प्रतिनिधिसभा_निर्वाचन२०८२ #अर्घाखाँची #चुनावी_गतिविधि #लोकतन्त्र #NepalPolitics #arghakhanchicom #arghakhanchidotcom #arghakhanchicomHD
अन्य समाचारहरु
