बिहारमा नितिश युगको अन्त्य, बिजेपीका सम्राट चौधरी नयाँ मुख्यमन्त्री बन्दै

काठमाडौँ । भारतको बिहारमा सम्राट चौधरी नयाँ मुख्यमन्त्री बन्ने भएका छन् । राष्ट्रिय जनतान्त्रिक गठबन्धन (एनडिए) ले गठबन्धनको विधायक दलको नेतामा सम्राट चौधरी सर्वसम्मत रूपमा चयन गरेसँगै चौधरी विहारको नयाँ मुख्यमन्त्री बन्ने भएका हुन् ।

यसअघि मुख्यमन्त्री रहेका नितिश कुमार राज्यसभा सांसद बन्दै राजीनामा दिएपछि विहारमा नयाँ मुख्यमन्त्रीको रुपमा बिजेपीका चौधरीलाई अगाडी सारिएको छ । चौधरी विधायक दलको नेता बनेपछि राज्यपालसँग भेट गरेर सरकार बनाउने दाबि पेश गरेको र उनको शपथ बुधबार हुने भारतीय मिडियाहरुले उल्लेख गरेका छन् ।

नेतामा चयन भएपछि चौधरीले पार्टीका नेता तथा कार्यकर्ताप्रति आभार व्यक्त गर्दै आफूलाई दिइएको जिम्मेवारी इमान्दारीपूर्वक पूरा गर्ने प्रतिबद्धता जनाएका छन् । उनले लामो समयदेखि राजनीतिमा सक्रिय रहेको उल्लेख गर्दै पार्टीले दिएको हरेक जिम्मेवारी सफलतापूर्वक निभाउँदै आएको बताए ।

गत बर्ष नोभेम्बरमा भएको निर्वाचनमा बिहारमा एनडिएले २४३ सदस्यीय विधान सभामा २०२ सिटमा जित हासिल गरेको थियो ।

७५ बर्षिय नितिश कुमार आफ्नो कुल कार्यकालमा करिब २० बर्ष बिहारको मुख्यमन्त्री बनेका थिए । योसँगै विहारमा नितिश कुमार युगको अन्त्य भएको छ ।

#बिहार #नितिशकुमार #बीजेपी #सम्राटचौधरी #मुख्यमन्त्री #भारतसमाचार #IndianPolitics #BreakingNews #TodayNews #SouthAsiaNews #arghakhanchicom #arghakhanchidotcom #arghakhanchicomHD 🇮🇳