रास्वपा सभापति लामिछानेसँग अमेरिकी सहायक विदेशमन्त्री कपुरको भेटवार्ता

काठमाडौँ । राष्ट्रिय स्वतन्त्र पार्टीका सभापति रवि लामिछानेसँग अमेरिकाको मध्य तथा दक्षिण एसियाली मामिलासम्बन्धी सहायक विदेशमन्त्री समीर पाउल कपुरले भेटवार्ता गरेका छन् ।

सोमबार भएको भेटमा नयाँ सरकारमा पार्टीका प्राथमिकता तथा अमेरिका-नेपाल सहकार्यका सम्भावित क्षेत्रबारे छलफल भएको जनाइएको छ ।

कपुरले भेटपछि सामाजिक सञ्जालमार्फत जानकारी दिँदै राष्ट्रिय स्वतन्त्र पार्टीका योजना र प्राथमिकताबारे जानकारी लिने अवसर पाएको बताएका छन् । उनले द्विपक्षीय सहकार्यलाई थप सुदृढ गर्ने विषयमा समेत विचार आदान प्रदान भएको उल्लेख गरेका छन् ।