पाकिस्तानी प्रधानमन्त्री सरिफ र इरानी राष्ट्रपति पेजेस्कियनबीच वार्ताः क्षेत्रीय शान्ति र सुरक्षाका लागि प्रतिवद्धता

पाकिस्तानी प्रधानमन्त्री शहबाज सरिफले इरानी राष्ट्रपति मसउद पेजेस्कियनसँग टेलिफोन वार्ता गर्नुभएको छ । वार्ताका क्रममा प्रधानमन्त्री सरिफले क्षेत्रीय शान्ति र सुरक्षाका लागि पाकिस्तानको दृढ प्रतिबद्धता दोहो¥याउनुभएको प्रधानमन्त्री कार्यालयले जारी गरेको विज्ञप्तिमा उल्लेख छ । कुराकानीका क्रममा दुवै नेताले वर्तमान क्षेत्रीय परिस्थिति र शान्ति तथा स्थिरता प्रवद्र्धनका लागि भइरहेका प्रयासहरूबारे विस्तृत विचार आदानप्रदान गर्नुभयो । सरिफले पाकिस्तानले क्षेत्रीय शान्ति र सुरक्षाका लागि आफ्ना प्रयासहरू जारी राख्ने बताउनु भयो ।

प्रधानमन्त्रीले गत अप्रिल ११ र १२ मा इस्लामावादमा भएको उच्चस्तरीय इरानी प्रतिनिधिमण्डको भ्रमणको प्रशंसा गर्नुभयो । साथै, उहाँले इरानी विदेशमन्त्री सैयद अब्बास अराघचीको नेतृत्वमा इस्लामावाद पुगेको अर्को प्रतिनिधिमण्डललाई पनि स्वागत गर्नुभयो, जसले आजै पाकिस्तानी राजधानीमा महत्वपूर्ण भेटघाटहरू गरेको छ ।

सरिफले हालैका दिनमा विभिन्न विश्व नेताहरूसँग भएका आफ्ना कुटनीतिक प्रयासहरूबारे पनि जानकारी साझा गर्नुभयो । यी प्रयासहरूले द्वन्द्वग्रस्त क्षेत्रमा स्थायी शान्ति प्राप्त गर्नका लागि वार्ता र कूटनीतिलाई समर्थन गर्न बृहत्तर सहमति जुटाउन मद्दत पुगेको उहाँले उल्लेख गर्नुभयो ।

images