श्रावण ३ गते, २०८३ मा प्रकाशित
काठमाडौँ । मकवानपुर र कैलालीमा जबरजस्ती करणीको आरोपमा दुई जना पक्राउ परेका छन्।
मकवानपुरको मकवानपुरगढी गाउँपालिका–७ सुकौरा न्यौपानेटार निवासी ६८ वर्षीय सिताराम नेपाललाई १० वर्षीया बालिकामाथि जबरजस्ती करणी गरेको आरोपमा प्रहरीले पक्राउ गरेको छ। पीडित पक्षको उजुरीका आधारमा इलाका प्रहरी कार्यालय मकवानपुरगढीबाट खटिएको प्रहरी टोलीले उनलाई नियन्त्रणमा लिएको हो।
यस्तै, कैलालीको भजनी नगरपालिका–७ हिक्मतपुर निवासी २८ वर्षीय सुनिल डगौरालाई ३२ वर्षीया महिलामाथि जबरजस्ती करणी गरेको आरोपमा पक्राउ गरिएको प्रहरीले जनाएको छ। पीडितको उजुरीपछि इलाका प्रहरी कार्यालय भजनीबाट खटिएको प्रहरी टोलीले उनलाई पक्राउ गरेको हो।
दुवै घटनाबारे प्रहरीले थप अनुसन्धान गरिरहेको जनाएको छ।
अन्य समाचारहरु
