मिना बेल्बासे र टीका सानूको स्वरमा नयाँ तीज गीत ‘तीजको व्रत’ सार्वजनिक

काठमाडौं । नेपाली तीज पर्वलाई लक्षित गर्दै गायिका मिना बेल्बासे र टीका सानूको सुमधुर स्वरमा सजिएको नयाँ तीज गीत ‘तीजको व्रत’ सार्वजनिक गरिएको छ।

हरेक वर्षझैँ यस वर्ष पनि मिना बेल्बासे र तेज सिलवालको प्रस्तुतिमा आएको गीतले नेपाली मौलिक संस्कृति, तीज पर्वको महत्व तथा नेपाली महिलाका भावना सशक्त रूपमा प्रस्तुत गरेको छ।

गीतमा “तीजको व्रत बसेकी छु शिवजी, यसपालि त लगन जुराइदेऊ” भन्ने भावमार्फत विशेषगरी एक्लो जीवन बिताइरहेका तथा एकल महिलाहरूको मनोभावलाई मार्मिक रूपमा चित्रण गरिएको छ। गीतले जीवनका दुःख–सुख बाँड्ने असल जीवनसाथीको चाहना र आशालाई भावुक ढंगले अभिव्यक्त गरेको छ।

गीतमा नवीन घिमिरेको शब्द, तेज सिलवालको संगीत, भूमिराज थापा मगरको एरेञ्ज रहेको छ। भिडियोमा कृष्टिना साह ठकुरी र सोमिता खनालको अभिनय देख्न सकिन्छ भने निर्देशन शिवजी क्षत्रीले गरेका हुन्।

त्यसैगरी नवीन घर्ती मगरले सम्पादन तथा कलरिङ, सुरज भुसाल र कृष्ण बाजुरालीले रेकर्डिङ तथा मिक्सिङ गरेका छन्। गीत द म्युजिक ईरा स्टुडियोमा रेकर्ड गरिएको हो।

नयाँ तीज गीत ‘तीजको व्रत’ सार्वजनिक भएसँगै दर्शक तथा श्रोतामाझ सकारात्मक प्रतिक्रिया प्राप्त गरिरहेको छ।