बैशाख २१ गते, २०८२ मा प्रकाशित
काठमाडौं, २१ बैशाख । यमनबाट प्रक्षेपण गरिएको ब्यालिस्टिक क्षेप्यास्त्र इजरायलको बिमानस्थलमा खसेको छ । यमनका हुथी बिद्रोहीहरूले इजरायलको बेन गुरियन अन्तर्राष्ट्रिय विमानस्थलको परिधिमा नै ब्यालिस्टिक मिसाइल प्रहार गरेको हो ।
सो मिसाइल प्रहरी पछि बिमानस्थल नजिकको सडक र सवारी साधनलाई क्षति पुर्याएको छ भने अहिले सो बिमानस्थलवाट हुने हवाई यातायात अबरूद्द हुन पुगेको छ । अलजजिरालगायत मध्यपुर्वका मिडियाहरूले बिमानस्थलमा हुथी बिद्रोहीले आक्रामण गरे पछिको भयावह अवस्थाका फोटो र फुटेजहरू सार्बजनिक गरेका छन् ।उता, इजरायली सेनाले पनि यो पुष्टि गरेको छ कि यसको रक्षा प्रणाली आइतवार बिहान क्षेप्यास्त्रलाई रोक्नको लागि धेरै प्रयासहरूको बाबजुद पनि यसलाई खसाल्न असफल भएको छ र यसमा थप अनुसन्धान भइरहेको छ। इजरायलका स्थानिय स्वास्थ्यकर्मीका अनुसार सो मिसाइल प्रहार पछि ८ जना घाइते भएका छन् ।
गाजा पट्टीमा युद्ध र नाकाबन्दीको विरोधमा इजरायल विरुद्ध आक्रमण गर्दै आएका यमनका हुथी विद्रोहीहरूले इजरायलको सबैभन्दा व्यस्त एयरपोर्टमा प्रहार गरेको मिसाइलको जिम्मेवारी लिएका छन्। एक टेलिभिजन विज्ञप्तिमा हुथी सैन्य प्रवक्ता याह्या सारीले इजरायली एयरलाइन्सलाई चेतावनी दिदै भने, ‘बेन गुरियन एयरपोर्ट हवाई यात्राको लागि अब सुरक्षित छैन।’
इजरायली रक्षामन्त्री इजरायल काट्जले कडा प्रतिशोधको धम्की दिएका छन्। ‘जसले हामीलाई आक्रमण गर्छ, हामी सात गुणा प्रहार गर्नेछौं,’ काट्जले भने । इजरायल रेजिलेन्स पार्टीका नेता र पूर्व युद्ध मन्त्रिपरिषद् सदस्य बेन्नी गान्ट्जले भने कि इरान–सम्बन्धित समूहले मिसाइल आक्रमणको दोष तेहरानलाई थोपरेका छन।
‘इजरायल राज्यमा ब्यालिस्टिक क्षेप्यास्त्र प्रहार भएको छ, यो अब इरानले नै जिम्मेवारी वहन गर्नुपर्छ,’ उनले प्रमाण नदिई सामाजिक सञ्जालमा पोस्ट गर्दै भने, ‘इजरायल राज्यमा भएको गोलीकाण्डले तेहरानमा गम्भीर प्रतिक्रिया ल्याउने निश्चित छ।’
अन्य समाचारहरु
