जेष्ठ १९ गते, २०८२ मा प्रकाशित
अमेरिकावाट क्युवा, हाइटी, निकारागुआ र भेनेजुएलाका ५.३० लाख आप्रवासी निकालिने
वासिंगनटन डिसी, १८ जेठ । अमेरिकी सर्वोच्च अदालतले क्युवा, हाइटी, निकारागुआ र भेनेजुएलाका ५ लाख ३० हजार आप्रवासीको मानवीय पारोल अन्त्य गर्ने मागलाई अनुमोदन गरेको छ ।
त्यसपछि ट्रम्पले आफ्नो सामाजिक सञ्जाल ट्रुथमा एक पोस्ट पोस्ट गरे र लेखेका छन कि ‘अब निर्वासन सुरु गर्नुहोस्।’
अदालतको सो अनुमतिसँगै आप्रवासीहरूको लागि निर्वासनको जोखिम बढाएको छ र उनीहरूको कानूनी स्थिति जोखिममा राखेको जनाइएको छ ।
यो कार्यक्रमले क्युबा, हाइटी, निकारागुआ, र भेनेजुएलाका मानिसहरूलाई मानवीय कारणहरू (जस्तै हिंसा, अस्थिरता, वा गरिबी) वा सार्वजनिक फाइदाका लागि संयुक्त राज्य अमेरिकामा अस्थायी रूपमा बस्न र काम गर्न अनुमति दिने गरिएको थियो । यसको सुरुवात पूर्व राष्ट्रपति जो बाइडेनले गरेका थिए ।
ट्रम्प प्रशासनले जनवरी २०२५ मा एक कार्यकारी आदेश मार्फत सो कार्यक्रम समाप्त गर्न निर्देशन दिएको थियो। लगत्तै मार्च २०२५ मा होमल्याण्ड सुरक्षा विभागले आधिकारिक रूपमा सिएचएनभी कार्यक्रम बन्द गरेको थियो ।
अदालतले अनुमति दिए पछि ५ लाख ३० हजार दक्षिणी अमेरिकी नागरिकहरू स्वदेश फर्कनु पर्ने भएको छ ।
अन्य समाचारहरु
