पौष १९ गते, २०८२ मा प्रकाशित
काठमाडौँ । युक्रेनले २०२५ मा ४ लाख २० हजार रूसी सैनिकहरूलाई मारेको वा घाइते बनाएको दाबी गरेको छ । युक्रेनी जनरल स्टाफका अनुसार, रूसले युक्रेनको केवल ०.८ प्रतिशत भूभाग ओगटेको र ठुलो मूल्य चुकाएको दाबी गरिएको छ ।
युक्रेनले यति धेरै सैनिकहरू गुमाए पनि, रूस शान्ति सम्झौताबाट बच्न खोजिरहेको दाबी गरेको छ । युक्रेनले फेब्रुअरी २०२२ मा युद्ध सुरु भएदेखि कुल १२ लाख भन्दा बढी रूसीहरू मारिएको दाबि गरेको छ।
यसक्रममा हजारौं ट्याङ्क, बख्तरबंद सवारी साधन, तोपखाना, विमान र क्षेप्यास्त्रहरू पनि नष्ट भएका छन् । तैपनि, रूसले २०२५ को अन्त्यसम्ममा डोनेट्स्क क्षेत्रको पोकरोभस्क र मिर्नोहराड जस्ता प्रमुख शहरहरू कब्जा गर्न असफल भएको छ ।
युक्रेनी राष्ट्रपति भोलोडिमिर जेलेन्स्की र अमेरिकी राष्ट्रपति ट्रम्पबीचको हालैको वार्ताले युद्ध अन्त्य गर्ने दिशामा प्रगति हुन सक्ने आशा जगाएको थियो, तर डिसेम्बर २९ मा पुटिनको निवासमा युक्रेनी ड्रोन आक्रमण पछि, रूसले शान्ति वार्ता रोक्ने संकेत गरेको छ । अमेरिकाको अग्रसरतामा २० बुँदे शान्ति प्रस्ताव तयार गरिएको छ । जेलेन्स्कीले प्रस्तावमा ९० प्रतिशत सहमति बनेको र १० प्रतिशतमा सहमति हुन बाँकी रहेको बताएका छन् ।
अन्य समाचारहरु
