पौष २४ गते, २०८२ मा प्रकाशित
काठमाडौँ । अमेरिकाको मिनियापोलिसमा अध्यागमन अधिकारीले एक महिलालाई गोली हानी हत्या गरेका छन् ।
गृह सुरक्षा विभागले घटना महिलाले गाडीले अध्यागमन अधिकारीलाई कुल्चने प्रयास गर्दा भएको बताएको छ । तर सामाजिक सञ्जालमा भाइरल भएको भिडियोमा महिलाले अध्यागमनका अधिकारीले गाडी रोक्न गरेको अनुरोध नमानेपछि गोली हानेको देखिएको छ ।
गृह सुरक्षा सचिव क्रिस्टी नोएमले अध्यागमन अधिकारीले आत्मरक्षामा गोली चलाएको दाबी गरेकी छन् ।
यद्यपि, मिनियापोलिसका मेयर ज्याकब फ्रेले संघीय अधिकारीहरूको यो भनाइमाथि प्रश्न उठाएका छन् र शहरबाट आइस एजेन्टहरूलाई हटाउन माग गरेका छन् ।
गोलीबारीमा मृत्यु हुने महिलाको पहिचान ३७ वर्षीया अमेरिकी नागरिक रेनी निकोल गुडको रूपमा गरिएको छ । मिनियापोलिसमा एक प्रमुख अध्यागमन प्रवर्तन अपरेशनको क्रममा यो घटना भएको हो । मिनियापोलिस र नजिकैको सेन्ट पल क्षेत्रमा २,००० भन्दा बढी एजेन्टहरू तैनाथ गरिएको छ ।
अन्य समाचारहरु
