बेलायत र चीनको व्यापार सम्झौता बारे ट्रम्पको टिप्पणी- ‘धेरै खतरनाक’

काठमाडौँ । अमेरिकी राष्ट्रपति डोनाल्ड ट्रम्पले बेलायतले चीनसँग सम्झौता गर्नु धेरै खतरनाक भएको बताएका छन् । ट्रम्पको यो बयान बेलायती प्रधानमन्त्री केयर स्टारमर चीनको भ्रमणमा रहेको बेला आएको हो ।

ट्रम्पको टिप्पणी प्रधानमन्त्री स्टारमर र चिनियाँ राष्ट्रपति सी जिनपिङबीचको भेटपछि आएको हो । यो तीन दिने भ्रमण बेलायत र चीनबीचको सम्बन्धलाई पुनर्जीवित गर्ने उद्देश्यले गरिएको हो । दुई देशबीचको सम्झौताले व्यापार र लगानी बढाउने लक्ष्य राखेको छ । प्रथम महिला मेलानिया ट्रम्पमा आधारित वृत्तचित्रको प्रिमियरको क्रममा, जब ट्रम्पलाई चीनसँग बेलायतको विस्तारित व्यापार सम्बन्धको बारेमा उनको विचार सोधिएको थियो, उनले भने, ‘यो उनीहरूका लागि धेरै खतरनाक छ ।’