अमेरिकी युद्धपोतमा आगलागी, निभाउन ३० घण्टा लागेको दाबी

काठमाडौँ । विशाल अमेरिकी युद्धपोत युएसएस जेराल्ड आर. फोर्डमा आगलागी भएको छ । मिडिया रिपोर्टका अनुसार आगलागी निभाउन ३० घण्टाभन्दा बढी समय लागेको दाबि गरिएको छ  ।

यस घटनामा दुई जनालाई सामान्य चोट लागेको बताइएको छ भने नौसेनाले आगलागी लडाईंको कारणले भएको नभएको र अहिले नियन्त्रणमा रहेको बताएको छ ।

आगलागीले जहाजको अवस्था केही कठिन बनाएको छ । लगभग ६०० सेवा सदस्यहरूको बेडमा क्षति पुगेको र उनीहरू भुइ र टेबलमा सुत्न बाध्य रहेको उल्लेख गरिएको छ । युद्धपोत हाल लाल सागरमा तैनाथ छ । यद्यपि, आगोले जहाजको सैन्य सञ्चालनलाई असर गरेको छैन ।