अजरबैजानद्वारा इरानका लागि तेस्रो मानवीय सहायता सामग्री पठाइयो

अजरबैजानले इरानका लागि तेस्रो चरणको मानवीय सहायता सामग्री पठाएको छ । राज्य समाचार एजेन्सी अजरट्याकले यसबारे जानकारी दिएको हो ।

इरानको तत्काल आवश्यकताहरू पूरा गर्ने उद्देश्यले गरिएको यो कदम मार्च ८ मा अजरबैजानी राष्ट्रपति इल्हाम अलियेभ र इरानी राष्ट्रपति मसुद पेजेस्कियानबीच भएको टेलिफोन कुराकानीपछि चालिएको हो । कुल २०० टन तौल भएको यस ढुवानीमा खाद्यान्न, औषधि र चिकित्सा सामग्रीहरू समावेश छन् ।

इरान चुनौतीपूर्ण समयबाट गुज्रिरहेको उल्लेख गर्दै अजरबैजानका लागि इरानी राजदूत मोज्तबा देमिरचिलुले यो सहायता सामग्रीले अजरबैजानी सरकार र जनताको ऐक्यवद्धता र समर्थन झल्काउने बताएका छन् ।

#Azerbaijan #Iran #HumanitarianAid #WorldNews #InternationalNews #arghakhanchicom #arghakhanchidotcom #arghakhanchicomHD