चैत्र २५ गते, २०८२ मा प्रकाशित
-अनिल नेपाली , अर्घाखाँची डट्कम।
अर्घाखाँचीमा स्वास्थ्य बीमा दिवस विशेष कार्यक्रम भव्य रूपमा मनाइएको छ।
स्वास्थ्य बीमा बोर्ड अर्घाखाँची शाखा कार्यालयको आयोजना तथा “सबै नागरिकको स्वास्थ्य बीमामा सहभागीता, सुरक्षित र स्वस्थ भविष्यको सुनिश्चितता” भन्ने नाराका साथ आज सन्धिखर्कमा कार्यक्रम सम्पन्न भएको छ।
कार्यक्रमको प्रमुख आतिथ्य सन्धिखर्क नगरपालिका प्रमुख कृष्णप्रसाद श्रेष्ठले गर्नु भएको थियो। श्रेष्ठले बीमालाई प्रभावकारी रूपमा सञ्चालन गर्न सबै तह, निकाय जिम्मेवार हुनुपर्नेमा जोड दिनु हुँदै भने:
“आर्थिक अभावका कारण स्वास्थ्य उपचारबाट वञ्चित हुन नपरोस्। बीमा सबैको साझा रहेकाले यसको प्रवर्द्धनमा सबै जिम्मेवार हुनुपर्छ।”
कार्यक्रममा जिल्ला अस्पताल प्रमुख डा. जगनाथ तिवारी, बीमा बोर्ड प्रमुख राम बहादुर थापा, दर्ता अधिकारी युबराज गैरे लगायतले मन्तव्य राख्नुभएको थियो।
कार्यक्रम जिल्ला समन्वय समितिका प्रमुख जीवनारायण कोइरालाको अध्यक्षता, बीमा अधिकारी सुभाष पौडेलको सञ्चालन र दर्ता अधिकारी राधा अधिकारीको स्वागत मन्तव्यमा सम्पन्न भएको थियो।
पालिका अनुसार बीमा सहभागीता:
कार्यक्रममा उत्कृष्ट काम गर्ने छत्रदेव ७ का नेत्र प्रसाद पाण्डे, सन्धिखर्क १ कि लक्ष्मी भुसाल, र भुम्पा ९ की रचना मरासिनी लाई सम्मान गरिएको थियो।
बीमा बोर्ड प्रमुख राम बहादुर थापाले अर्घाखाँचीमा हालसम्म करिव रु. ४ करोड भुक्तानी बाँकी रहेको र आर्थिक वर्ष २०८२ फागुन मसान्तसम्म रु. १६,००,१३,१२५ प्रिमियम रकम सङ्कलन भएको जानकारी दिनुभयो।
“सुरक्षित स्वास्थ्य सेवा सबैको अधिकार हो, बीमामा सहभागी भएर सुरक्षित र स्वस्थ भविष्य सुनिश्चित गर्नुहोस्।”
#स्वास्थ्यबीमा #सुरक्षितभविष्य #अर्घाखाँची #सन्धिखर्क #बीमाप्रवर्द्धन #arghakhanchicom #arghakhanchidotcom #arghakhanchicomHD
अन्य समाचारहरु
